ഇന്ത്യൻ പ്രീമിയർ ലീഗ് സീസണിൽ ചെന്നൈ സൂപ്പർ കിങ്സ് ഇന്നലെ ആദ്യ ജയം നേടി. സ്വന്തം തട്ടകത്തിൽ നടന്ന പോരാട്ടത്തിൽ 12 റൺസിന് ലഖ്നൗ സൂപ്പർ ജയന്റ്സിനെയാണ് ചെന്നൈ തോൽപ്പിച്ചത്. റുതുരാജ് ഗെയ്ക്‌വാദിന്റെ ബാറ്റിങ് പ്രകടനവും മോയിൻ അലിയുടെ മികച്ച ബൗളിങ്ങുമാണ് ചെന്നൈയെ വിജയതീരത്തെത്തിച്ചത്.
സ്വന്തം തട്ടകത്തിൽ ആവേശം വിജയം നേടിയപ്പോഴും ചെന്നൈ ക്യാപ്റ്റൻ മഹേന്ദ്ര സിങ് ധോണിക്ക് തന്റെ ടീമിന്റെ ബൗളിങ് പ്രകടനത്തിൽ അതൃപ്തിയുണ്ട്. മൂന്ന് നോ ബോളുകളും 13 വൈഡുകളുമാണ് ചെന്നൈ ബൗളർമാർ വഴങ്ങിയത്. മത്സരശേഷം ഇക്കാര്യത്തിൽ തന്റെ അസംതൃപ്തി ധോണി പ്രകടിപ്പിക്കുകയും ചെയ്തു.
അവർ നോ ബോളുകൾ എറിയാതിരിക്കുകയും വൈഡുകളുടെ എണ്ണം കുറയ്ക്കുകയും ചെയ്യണം, ഇവിടെയിപ്പോൾ ഞങ്ങൾ ഒരുപാട് അധിക ബോളുകൾ എറിയേണ്ടിവരുന്നു, ഇത് കുറയ്ക്കേണ്ടതുണ്ട്, ഇതിന് സാധിച്ചില്ലെങ്കിൽ അവർ മറ്റൊരു ക്യാപ്റ്റന് കീഴിൽ കളിക്കേണ്ടിവരും, ഇത് രണ്ടാം തവണയാണ് ഞാനവർക്ക് മുന്നറിയിപ്പ് കൊടുക്കുന്നത്, ധോണി പാതി തമാശയായി പോസ്റ്റ് മാച്ച് പ്രെസന്റേഷനിൽ പറഞ്ഞു.
The post നേരെചൊവ്വെ പന്തെറിഞ്ഞില്ലെങ്കിൽ വേറെ ക്യാപ്റ്റന് കീഴിൽ കളിക്കേണ്ടിവരും; മുന്നറിയിപ്പുമായി ധോണി appeared first on SPORTS MALAYALAM.
from SPORTS MALAYALAM https://ift.tt/4H1mkyC
via IFTTT
0 comentários:
Post a Comment